БАРСЕЛОНА во МАРТ

04.03 - 07.03.2023
4 дена/3 ноќевања

Авионска програма од СОФИЈА

Барселона или „каталонската кралица“ е четвртиот најпосетуван град во Светот. Величествен град со прекрасна убавина, кој живее 24 часа дневно. Уживајте во прошетката низ главната градска улица „Рамблас“, застанете покрај живописните човечки статуи или некој од многубројните улични сликари или пак прошетајте низ Готскиот кварт. Уживајте во уметноста на Антонио Гауди и неговата ексцентрична катедрала „Саграда Фамилија“ и паркот „Гуел“. А ако сте навивач на Барселона, тогаш стадионот „Ноу Камп“ е место, кое треба да го посетите.

 1 ден: (04.03.2023 - сабота) - СКОПЈЕ – БАРСЕЛОНА

Состанок на групата во утринските часови во Скопје. Трансфер до аеродромот во Софија. Полетување за Барселонa во 19:05 ч. Пристигнување во Барселона во 21:10 часот. Трансфер до хотелот и сместување. Ноќевање.

2 ден: (05.03.2023 – недела ) - БАРСЕЛОНА (ПАНОРАМСКИ РАЗГЛЕД, РАМБЛАС, АКВАРИУМ, МАРЕМАГНУМ)

Појадок во хотел. Панорамски разглед на Барселона: плоштадот Каталонија,  авенијата Рамблас, Споменикот на Колумбо, Каса Мило, катедралата Саграда Фамилија (40 минутен разглед од надвор), , Готскиот кварт (50 минутен разглед). Прошетка низ познатата улица „Рамблас“, една од најдинамичните улици во Светот. Потоа ќе имате можност за факултативна посета на Аквариумот  – еден од најголените и најубавите аквариуми во Европа. Следува слободно време за индивидуални активности и можност  во шопинг центарот „Маремагнум“  за кафе пауза, ручек или шопинг. Во вечерните часови Ви препорачуваме посета на Шпанскиот плоштад и на Магичните фонтани. Враќање во хотел. Ноќевање.

3 ден: (06.03.2023 – понеделник) -  БАРСЕЛОНА (ПАРК ГУЕЛ–ШПАНСКО СЕЛО; НОУ КАМП, ФЛАМЕНКО)

Појадок во хотел. За овој ден предлагаме факултативен излет за да поминете прекрасен ден низ парковите на Барселона. Започнуваме со посета на паркот Гуел - едно од најголемите ремек дела на Антони Гауди и знаменитост на Барселона. Потоа се упатуваме кон Шпанското село кој претставува музеј на отворено. Настанато во 30-тите години на XX век, како изложба, која требало да ги обедини и прикаже основните карактеристики и разноликоста на селата во Шпанија. Факултативен полудневен излет до еден од најпознатите стадиони во светот – „Ноу Камп“ на кој игра фудбалскиот клуб „Барселона“. Ќе имате можност да го видете музејот на клубот со многубројните трофеи. Враќање во хотел со метро. Организирана факултативна Фламенко вечер во ресторан, каде ќе имате можност да уживате во прекрасното Фламенко шоуто, Враќање во хотел со метро. Ноќевање.

4 ден: (70.03.2023) - вторник) - БАРСЕЛОНА (Золошка градина и парк Цитадела) – СКОПЈЕ

Појадок во хотел. Одјавување од хотел. За денешниот ден, наш предлог е целодневна факултативна посета на парк Цитадела и Зоолошката градина. Сместена во централниот парк на Барселона, представува една од најголемите и најпосетени Зоолошки градини со преку 1 милион посетители годишно. Во огромното пространство сместени се над 2.500 видови на животни. Изградена е како отворен тип на зоолошка градина, каде има можност за директен контакт со дел од животните. До пред неколку години, оваа градина беше дом на единственото албино горила што постоеше во светот. Оваа Зоолошка градина е атрактивна за сите возрасти и претставува забава за цела фамилија. Индивидуално враќање во хотел и слободно време. Трансфер до аеродормот во Барселона во 19:00 часот. Чекирање, пасошки и царински формалности. Полетување кон Скопје е во 21:55 часот. Пристигнување на скопскиот аеродром во 01:55 часот локално време.

ПРОМОТИВНА ЦЕНA ПО ЛИЦЕ : 499 € (30.938 мкд)

за уплати до 25.12.2022

ВО ЦЕНАТА НА АРАНЖМАНОТ ВКЛУЧЕНИ СЕ СЛЕДНИТЕ УСЛУГИ:

• Директен лет на релација Софија – Барселона – Софија со авикомпанија Wizz Air;
• Трансфер Скопје – Софија - Скопје
• Мала кабинска торба со димензии 40x30x20cm;
• Организирани трансфери: аеродром – хотел – аеродром;
• Сместување во двокреветни соби во хотел  3*;
• Панорамски разглед на градот
• Организирани прошетки според програмата со придружник од агенцијата;
• Организација на аранжманот и придружник на патувањето.

ВО ЦЕНАТА НА АРАНЖМАНОТ НЕ СЕ ВКЛУЧЕНИ СЛЕДНИТЕ УСЛУГИ:

• Посета на Парковите на Барселона (Парк Гуел, Шпанско село) со водич и билет – 70 €.
• Посета на Ноу Камп (претставник од агенција, билет и трансфер во еден правец, враќањето е со метро и не е вклучено во цената) – 38 € / само билет 28 €.
• Посета на ЗОО – се купува на лице место
• Аквариум  (влезница и претставник од агенција) - 28 €.
• Фламинко шоу со пијалок - 60 €;

Задолжително пријавување за факултативите во агенција и минимум пријавени патници за  реализација: 16.

• Туристичка такса се плаќа во хотел – 2 € по ден на лице;
• Билети за јавен превоз со метро;
• Патничко осигурување – ЗАДОЛЖИТЕЛНО (информации во агенција).

ОПШТИ НАПОМЕНИ:

• Резервација се прави со уплата на 30% од вкупнот износ на аранжманот
• Целосна уплата на аранжманот е 15 дена пред почетокот на истиот
• Цените на аранжманот се дадени во евра за уплата во денарска противвредност по курс 1 евро = 62 мкд
• За реализација на аранжманот се потребни минимум пријавени 25 патника
• За ова патување мора да имате пасош кој има важност од минимум 90 дена по завршувањето на аранжманот
• Организаторот го задржува правото да ја промени цената на аранжманот  во случај на промена на цената на превозот или  хотелот
• Во случај на недоволен број на пријавени патници организаторот го задржува правото да го откаже во целост аранжманот  5 дена пред  датумот на започнување на истиот
• Организаторот го задржува правото за промена на цените на факултативните излети, во случај на промена на цената на влезниците на локалитетите и музеите
• За време на разгледите на градовите наведени во програмата не се предвидени посети на внатрешноста на јавните згради, институции или културни споменици
• Организаторт го задржува правото за промена на редоследот на реализација на програмата.
• Организаторот на патувањето го задржува правото за промена на програмата за патување во случај на непредвидени објективни причини, како на пр: застој на граница, доцнење на летот, застој во сообраќајот, затвореност на некој од локалитетите предвиден за посета и сл.

За оваа програма важат општите услови за патување на СКТМ