Сместена на надморска висина од 530м, меѓу планинските масиви Троглав, Жељин и Столови, Богутовачка Бања нуди идеални услови за одмор, лекување и рекреација. Климата е умерена и стабилна, без силни ветрови и магла, а природната околина зрачи со мир и чист воздух. Минералната вода која тука извира е со температура од 25-27°C и е богата со магнезиум, калциум, натриум, железо и други корисни елементи, истата се користи и за капење и за пиење. Бањата е позната како „Неуро спа“, бидејќи со своите природни својства позитивно влијае на нервниот систем. Дополнета со т.н. Патеки на здравје претставува идеална дестинација за релаксиран краток одмор. 

 

Програма на патување: 

 

Состанок на групата рано наутро во 05.00 часот на паркингот кај спортска сала Борис Трајковски (кај пералните). Поаѓање за Србија во 05.30 часот. Патувањето се одвива преку граничниот премин Табановце со кратки попатни паузи за одмор и обавување на  царински формалности. Пристигнување во Богутовачка Бања околу пладне, сместување по соби. Ручек. Слободно попладне за одмор, релаксација и користење на услугите од Велнес на хотелот. Вечера. Ноќевање. 

 

Појадок. Moжност за  факултативна посета на Краљево, градот со богата историја и култура. Разглед на градот со водич (Трг српских ратника, господар Васин Конак, Аџиќа куќа, Музеј на градот Краљево, Соборна Црка Света Тројица, Храм Свети Сава...) Слободно време за освежување и индивидуални активности. Во договорено време враќање во хотел. Ручек. Слободно време за релаксација и уживање во базените. Вечера. Ноќевање.

 

Појадок. Moжност за  факултативна посета на манастирот Жича. Манастирот со потекло од првата половина на 13от век, познат е по тоа  што тука бил крунисан тогашниот прв крал на Србија, Стефан Немања, братот на Свети Сава. Внатрешноста на црквата е облагородена со фрески кои водат потекло од раниот 13ти век и припаѓаат на т.н. Златно доба на српското сликарство. Манастирот заради своето особено значење денес е заштитен како споменик на културата на Србија. Враќање назад во хотелот. Ручек. Слободно време за индивидуални активности, релаксација и одмор, можност за користење на вклучени во цената.  Ноќевање.

 

Појадок. Напуштање на собите според хотелското правило. Слободно време за индивидуални активности и прошетки до времето предвидено за заминување. Поаѓање за Македонија во 12.00 часот. Патувањето се одвива преку граничниот премин Табановце со кратки паузи за одмор и царински формалности. Пристигнување во  Скопје во вечерните часови.

 

 

- Превоз со туристички автобус на наведената релација

- Сместување во Хотел Минерал 3* во двокреветни соби на база 3 ноќевања 

- Исхрана на база полн пансион појадок, ручек и вечера (сите 3 оброци на база шведска маса)

- Користење на базен со лековита вода 

- Користење на рекреативни базен со температура на водата до 28 степени, тепидариум и парно купатило 

- Туристичка такса

- Организација и реализација со туристички придружник

 

- Задолжително патничко осигурување

- Факултативна посета на манастирот Жича со водич - 10€ (доплата на лице место)  

- Факултативна посета на Краљево 10€ (доплата на лице место) 

 

- Дете до 4 год. во придружба на 2 возрасни (дели легло)  бесплатно во хотел плаќа само превоз 35€/2.170ден (на барање)

- Дете 4-10 год. во придружба на 2 возрасни на дополнителен кревет (фотеља на спуштање) плаќа 115€/ 7.130ден (на барање)

- Трет возрасен на дополнителен кревет плаќа полна сума (на барање) 

- Доплата за еднокреветна соба 45€/2.790 (на барање) 

- Доплата за одбирање на ред на седење во автобус - 10€/620ден (мин. 2 седишта)

- Доплата за дополнително седиште во автобус -45€/2.790ден 

- Намалување за сопствен превоз -10€/620ден од патник

 

- За патувањето е потребно да поседувате валиден биометриски пасош или валидна лична карта.

- За реализација на патувањето потребен е минимум од 40 патници.  

- За резервација потребна е задолжителна уплата на депозит од најмалку 30% доплата најдоцна до 2 недели пред поаѓање. 

- Со потпишување на договорот на патниците им се доделуваат седишта според времето на уплата, доколку одредени патници имаат посебни барања за конкретно седиште истото го доплаќаат во агенција.

- Цените се дадени во евра за уплата исклучиво во денарска противвредност по курс 1€=62мкд. 

- Цените се дадени по лице за сместување во двокреветни соби за најмалку 2 лица во соба.

- Реализацијата на излетите е во зависност од временските услови, организаторот го задржува правото во случај на неповолни временски услови да ги откаже излетите. 

- Агенцијата го задржува правото за отказ на аранжманот најдоцна до 7 дена пред поаѓање доколку не е исполнет бројот на пријавени лица предвидени по програмата за ова патување. 

- Организаторот го задржува правото за промена на редоследот на активности во програмата, во случај на потреба.